ايوه مصر هي امي
امي طبعا ومين يخالف
امي الي اجيها اجري
في اي وقت ان كنت خايف
امي ديا ليها حضن . حضن جنن كل خاين
بس يا اما ليه بتقسي عليا بس وتبقي اقوي
ليه يا امي تجوعيني وتحرميني من سنيني
وتبني ليا الف سجن
وتكسري فيا الضلوع
وتعرشي بيهم قصورهم
وتذودي فيا الدموع
هو انا مش برده ابنك ولا خلفتيني من سفاح
ليه يا امي تجرديني من هدومي
وتهدمي جوايا حلمي
ويبقي بس الحلم ليهم
حكر بس لجفون عنيهم
ودمي ليهم يكون مباح
عيني تدمي علطول عليكي
ذنبي اني طلعت ابنك
ذنبي اني مسكت فيكي
ذنبي اي
عرفيني ..؟؟
ليه بتقسي وتجوعيني
بتبصي بس ليه عليهم . وحبك بس كله ليهم
ولو في مره تحتاجيهم
وتجربي تنادي عليهم
بيقفلوا في وشك قصورهم
وانا الي بس هبقي ليكي
وانا الي بس هبقي ليكي
خاطره
١٦ -٨-٢٠١٩
ليست هناك تعليقات:
إرسال تعليق