لكل ظلم نهايه
ومهما طال الليل
للصبح ضي جديد
ويوم يكون الظلم عالي
بكره جاي اكيد
ونكتب لبلدي بدايه
مهما كان للسجن حديد
وان في يوم تفكر ودور
وشوف التاريخ دا اكيد
تلاقي الدايره ماشيه
والايام للتاريخ بتعيد
يابلدي انا الي ليكي
ميغركيش كلام معسول
انا الي ضهري سد
انا حاربت ماغول
فلاح بفاسه حارب
في الارض يبني جسور
يابلدي انا الي ليكي باقي
فكفايا ظلم وسور
وكفايا قلبي شايل ليكي هم دهور
يابلدي انا الي ليكي باقي
انا الي بنام عريان وفيكي قصور
وممكن اكون جعان
والاكل مالي بطون
يابلدي
مهما طال الظلم عندك
عمري ليكي باقي
ما انسي يوم ثورنا
يا انا ياالظلم باقي
شوفوا ازاي وقفنا
وانتوا ازاي مشيتوا
فاكرين يوم هتافنا
لما قولتوا خونه
ولا اوام نسيتوا
بكتب لبكره كل حرف
وابني هيحفظ كلامي حرف حرف
ان ما في يوم كنت خاين ولا لبلدي بعت
وقلت للظلم لا لما بصوتي ضعت
كنت بحلم لبكره يجي
وبلدي لينا تيجي
ونبني فيها
ما في يوم نمل
هنبني فيها مافي يوم نمل
......خاطره محمد حشيش......
18/9/2016
ليست هناك تعليقات:
إرسال تعليق